Innlent

„Burt með bölvað ofstækið“

Hjörtur Magni Jóhannsson prestur Fríkirkjunnar segir ofstækisfullar sértrúarskoðanir á borð við skoðanir pakistanska trúarleiðtogans Muhammad Taqi Usmani vera eitur. Hann segir að ekki eigi að hleypa talsmönnum slíkra ofstækisskoðana inn í landið og segir þær að finna í öllum helstu trúarbrögðum. Í kjarnaboðskap trúarbragðanna sé að finna samhygð, náungakærleika og umburðarlyndi en ofstækið og blind bókstafstrú sé mikill skaðvaldur innan allra trúarhefðanna.

Innlent

Flóttamannaleið opin á ný eftir bílveltu

Flóttamannaleið við Vífilsstaðavatn var lokað á áttunda tímanum í morgun vegna bílveltu en hefur nú opnað að nýju. Einn var í bílnum en hann slasaðist ekki mikið samkvæmt slökkviliði. Samkvæmt Vegagerðinni hefur verið vart við hálkubletti hér og þar um borgina og eru vegfarendur beðnir um að aka varlega.

Innlent

Tveggja til fjögurra ára börn ekki sprautuð heldur gefið í nefið

Heilsugæslur víða um landið standa nú í stórræðum við að bólusetja forgangshópa vegna inflúensu. Börn á aldrinum tveggja til fjögurra ára eru hinsvegar ekki sprautuð í ár heldur boðið upp á nefúða. Framkvæmdastjóri hjúkrunar hjá Heilsugæslu höfuðborgarsvæðisins segir um efnið virka alveg eins vel og ef um stungu væri að ræða. Bóluefni hafa verið notuð með þessum hætti um árabil í Evrópu og í Bandaríkjunum.

Innlent

Mikil­vægt að styggja fólk ekki með orða­lagi

Formaður Miðflokksins segir umræðuna um regnbogafánana hafa komið sér á óvart. Allir eigi að fá að vera eins og þeir vilji vera en hópar telji fánann þvingandi og útilokandi og segir formaðurinn hættu á að hann ýti börnum út í „eitthvað trend“. Menntakerfið megi ekki beina þeim í „ákveðnar áttir“. Formaðurinn hefur ekki greitt atkvæði á þessu þingi en hyggst brátt tala manna mest og boðar nýjar tillögur í útlendingamálum.

Innlent

Úti­lokar ekki verk­fall eftir út­spil sem kom eins og þruma úr heið­skíru lofti

Formaður Kennarasambands Íslands segir óvænt útspil stjórnvalda á þriðjudag hafa sett kjarasamninga kennara í uppnám. Lagt hafi verið til að hvika frá því markmiði sem lengi hafi verið stefnt að nokkrum dögum áður en frestur til að virkja forsenduákvæði í gildandi samningi rynni út. Ef samningsaðilar nái ekki aftur saman fyrir lok laugardags muni kennarar neyðast til að virkja umrætt ákvæði.

Innlent

Þristurinn gefinn Flugsafni Ís­lands

Stjórn Þristasjóðs, Flugsafn Íslands og DC-3 Þristavinafélagið hafa komist að samkomulagi um að eignarhald flugvélarinnar TF-NPK, eða Þristsins Páls Sveinssonar, færist til Flugsafns Íslands á Akureyri og til framtíðarvarðveislu. Viljayfirlýsing þess efnis var undirrituð í Flugsafninu á Akureyrarflugvelli í dag.

Innlent

Héldu nám­skeið um heiðursofbeldi

Félags- og húsnæðisráðuneytið og Ríkislögreglustjóri héldu á dögunum námskeið um einkenni og birtingarmyndir heiðursofbeldis. Um 25 manns, sem vinna meðal annars fyrir lögregluna, framhaldsskóla eða barnaverndaryfirvöld, sóttu námskeiðið.

Innlent

Á­rekstur á Vestur­lands­vegi tefur um­ferð

Árekstur varð á Vesturlandsvegi í Reykjavík í kvöld þar sem ökumaður bifreiðar keyrði utan í tvo aðra bíla. Engin slys urðu á fólki en nokkuð er um umferðartafir á svæðinu á meðan unnið er að því að hreinsa vettvanginn, að sögn lögreglu.

Innlent

„Kisur eru að missa fæturna“

Kisan Gletta er einum fæti fátækari eftir að hafa stigið í minkagildru fyrir utan atvinnuhúsnæði í Gufunesi. Annar köttur lenti í gildru á nákvæmlega sama stað fyrir rúmum tveimur árum, að sögn formanns Villikatta, sem segir að meindýraeyðir hafi nú verið kærður til MAST vegna málsins.

Innlent

Veru­leikinn breyttur eftir ofsaakstur á ó­nýtum bíl

Ungur karlmaður hefur verið dæmdur til fimm mánaða skilorðsbundins fangelsis vegna umferðarslyss sem varð í grennd við Hofsós í apríl í fyrra, þegar hann var tæplega átján ára. Einn þriggja farþega í bílnum slasaðist mjög alvarlega og slysið mun marka allt hans líf, að sögn læknis. Slysið varð eftir að ungi maðurinn ók á um 190 kílómetra hraða á handónýtum bíl.

Innlent

ChatGPT trónir á toppnum

Gervigreindarmállíkanið ChatGPT er það vinsælasta meðal Íslendinga sem nýta sér gervigreind á íslensku. Þá nota flestir þýðingarvél Google þrátt fyrir að hún sé ekki talin sú besta.

Innlent

Hafi reynt að myrða kærustu sína í sumar

Karlmaður hefur verið ákærður fyrir að reyna að myrða kærustu sína á þáverandi heimili þeirra í Reykjavík um miðjan júlí síðastliðinn. Frásögn konunnar á bráðamóttöku var upphaflega á þá leið að hún hefði veitt sér áverkana sjálf en því trúði lögregla tæplega.

Innlent

„Svo­lítið sárt í hjartanu að hafa enga söngva­keppni“

Yfirgnæfandi meirihluti er mótfallinn því að Ísland taki þátt í Eurovision verði Ísrael á meðal þátttökuþjóða, en þetta kemur fram í nýrri könnun Maskínu. Stjórnarkona í félagi áhugafólks um söngvakeppnina segir félagið ekki taka afstöðu í málinu en segir sárt að ekki sé haldin innlend söngvakeppni.

Innlent

Hirti sagt upp störfum hjá Hag­stofunni

Hirti J. Guðmundssyni alþjóðastjórnmálafræðingi hefur verið sagt upp störfum hjá samskiptadeild Hagstofunnar. Hagstofustjóri segir uppsögnin til komna vegna þröngs fjárhagsramma og hafi ekkert með skoðanir hans á Evrópusambandinu að gera eins og fylgjendur Hjartar á Facebook velti fyrir sér. Hún sjái á eftir góðum starfsmanni.

Innlent

Á þriðja tug sagt upp hjá Hafnarfjarðarbæ

Alls hafa 23 störf verið lögð niður hjá Hafnarfjarðarbæ sem samsvarar 21,6 stöðugildum. Þremur starfsmönnum verður boðin önnur störf hjá bænum, og er því um að ræða nettófækkun upp á 18,6 stöðugildi.

Innlent

„Akkilesar­hæll á vinnu gagn­vart þessum hópum“

Þingflokksformaður Framsóknarflokksins gagnrýnir harðlega áform dómsmálaráðherra um að fækka lögregluembættum úr níu í þrjú. Það muni bitna á þjónustu íbúa á strjábýlli svæðum að hans mati. Astoðaryfirlögregluþjónn á Suðurnesjum er ekki á sama máli og hefði viljað sjá sameininguna ganga enn lengra. 

Innlent

Feginn að verð­bólga stendur í stað og meiri­hluti mót­fallinn þátt­töku í Euro­vision

Fjármála- og efnahagsráðherra segir mjög ánægjulegt að sjá verðbólgu standa í stað og að hún sé helst drifin áfram af utanaðkomandi þáttum. Hagstofa Íslands birti verðbólgutölur fyrir október í morgun, sem sýna að hún er óbreytt frá fyrri mánuði og stendur í 5,9 prósentum. Rætt er við Daða Má Kristófersson, fjármála- og efnahagsráðherra í hádegisfréttum Bylgjunnar. 

Innlent

Til Ilulissat á Airbus með nýjum flug­velli

Nýr alþjóðaflugvöllur verður opnaður við Ilulissat, þriðja stærsta bæ Grænlands, í dag. Bæði Icelandair og Air Greenland hyggjast fljúga þangað á Airbus-þotum en hann er með 2.200 metra langri flugbraut, sem leysir af völl við hliðina með aðeins 845 metra langri braut.

Innlent

Segir fólk geta verið nýrnaveikt árum saman án þess að vita

Eiginmaður sem gaf konunni sinni nýra óttast að margir Íslendingar séu með nýrnakvilla án þess að vita af því. Hann hvetur fólk til þess að fylgjast með blóðþrýstingnum, fólk geti verið veikt um árabil án þess að bregðast við. Allt gekk upp fyrir sjö árum síðan þegar eiginkona hans þurfti loksins nýra eftir að hafa lifað með nýrnasjúkdóm í tuttugu ár. Þau segja líf nýrnagjafa nánast ekkert breytast og segjast alltaf halda upp á afmæli nýrnagjafarinnar.

Innlent

Rukka er­lenda nem­endur um milljónir

Nemendur sem koma utan Evrópska efnahagssvæðisins og hyggjast stunda nám við Háskóla Íslands þurfa núna að greiða allt að rúmar þrjár milljónir króna í skólagjöld.

Innlent

Nýja Ölfusárbrúin hægt en örugg­lega dregin yfir ána

Þessa dagana er unnið að einum mikilvægasta áfanganum við gerð nýrrar Ölfusárbrúar: Að draga brúna hægt en örugglega frá eystri bakkanum og yfir á þann vestari. Áætlað er að þetta muni taka átta til tíu daga en brúin er dregin fimmtíu sentímetra í einu yfir ána, 330 metra vegalengd.

Innlent

Notkun ólög­legra peptíða „rúss­nesk rúlletta“

Viðar Guðjohnsen, lyfjafræðingur hjá Lyfjastofnun, og Arna Guðmundsdóttir, innkirtlalæknir á Landspítala, segja notkun ólöglegra peptíða geta verið „rússneska rúllettu“. Fólk eigi ekki að sprauta sig með neinu sem það viti ekki hvað er. Þau segja lögleg peptíð byltingu og það séu bjartar hliðar á þeim en líka dökkar. Arna og Viðar voru til viðtals í Bítinu á Bylgjunni í morgun.

Innlent

Frum­varp kynnt um af­nám æviráðningar

Dómsmálaráðherra hefur kynnt nýtt frumvarp um að fella niður embætti vararíkissaksóknara og varahéraðssaksóknara. Þess í stað verði ríkissaksóknara og héraðssaksóknara heimilt að velja sér staðgengla úr hópi saksóknara við embættin til allt að fimm ára í senn en lagt er til að áfram verði notast við starfsheitin.

Innlent

Mest lesið