Samherji selur sinn hlut

Samherji seldi í morgun helmingshlut sinn í Hraðfrystistöð Þórshafnar til heimamanna. Í fréttatilkynningu frá Samherja segir að fyrirtækið hafi í dag, samið um sölu á 49,66% hlut sínum í Hraðfrystistöð Þórshafnar. Kaupendur eru annarsvegar Fræ ehf., fyrirtæki í eigu Þórshafnarhrepps með 34% hlut og Svalbarðshreppur hins vegar með 15,46%.-Efni samninganna er að öðru leyti trúnaðarmál samningsaðila. Áætlaður hagnaður Samherja hf. af viðskiptunum nemur ríflega 300 millj. kr. að því fram kemur í tilkynningu félagsins.