Þjóðin brást afar vel við

Þjóðin brást afar vel við landssöfnun Kiwanismanna, sem lauk síðastliðinn sunnudag, að sögn Kristins Richardssonar, formanns K-dagsnefndar. Ekki liggja fyrir tölur um hversu mikið safnaðist, en öll kurl verða væntanlega komin til grafar eftir um það bil viku, að því er hann sagði. Kristinn sagði, að allir rólfærir Kiwanisfélagar hefðu tekið þátt í söfnuninni, svo og aðstoðarfólk, til að mynda íþróttafélög og aðilar úr björgunarsveitum. Söfnunarfénu verður skipt á milli Barna- og unglingageðdeildarinnar og Geðhjálpar.