Fíkniefnaneytandi ók undir áhrifum

Ökumaður var stöðvaður á Dalvík í fyrrinótt, grunaður um að hafa ekið undir áhrifum fíkniefna. Að sögn lögreglu var bíllinn stöðvaður við venjubundið eftirlit en sjá mátti á ástandi mannsins að hann var ekki allsgáður þó ekkert áfengi fyndist við athugun. Tekin var blóðprufa úr manninum og er hún nú í rannsókn. Í framhaldinu fann lögregla lítilræði af kannabisefnum og neysluáhöldum á dvalarstað mannsins. Lögreglan á Dalvík segir að manninum hafi verið gert að láta bíllyklana af hendi þarna um nóttina og hann sendur heim að því loknu.