Glerhált fyrir austan

Glerhált var í umdæmi lögreglunnar á Egilsstöðum í gær og mikið var um útafakstur sem hafi þó í flestum tilfellum verið minniháttar og ekki komið beint við sögu lögreglunnar. Fólksbíll hafnaði utan vegar á Norðfjarðarvegi vegna hálku. Engin slys urðu á fólki en bíllinn, sem var á góðum dekkjum, skemmdist talsvert. Skammt frá missti ökumaður vörubíls með tengivagn stjórn á ökutækinu. Ökumaðurinn slapp ómeiddur og litlar skemmdir urðu á bílnum. Lögreglan hvetur fólk til að búa bíla sína vel og vera ekki á ferðinni af óþarfa þegar færðin er slæm.