Sýknaður af innbroti

Hæstiréttur sýknaði síbrotamann af innbroti í verslun í Mjódd þar sem 3.000 þúsund krónum var stolið úr peningakassa verslunarinnar. Héraðsdómur Reykjavíkur hafði áður sakfellt manninn og dæmt hann í sex mánaða fangelsi. Skófar mannsins fannst í versluninni en Hæstarétti þótti ekki sannað að farið væri frá því að brotist var inn í verslunina. Maðurinn sagðist hafa verið ásamt vinkonu sinni í versluninni daginn áður. Maðurinn hefur verið dæmdur sextán sinnum fyrir hegningarlagabrot, oftast fyrir þjófnað og skjalafals.