Frekari fjárfestingar í Hollandi

Samskip hafa keypt frystiflutninga- og geymslustarfsemi hollenska flutningafyrirtækisins Kloosterboer og verður hún sameinuð frystiflutningastarfsemi Samskipa. Með kaupunum eykst heildargeymslupláss Samskipa á frystum sjávarafurðum um 84 þúsund tonn, en fyrir var Samskip með sex þúsund tonna frystigeymslu í Sundahöfn. Hjá hollenska fyrirtækinu starfa um eitt hundrað manns og eftir kaupin á fyrirtækinu er áætluð velta Samskipasamsteypunnar um 45 milljarðar króna á árinu.