Owen á leið til Liverpool?

Breskir fjölmiðlar kepptust um það í morgun að greina frá því að Michael Owen væri á leið aftur til Liverpool eftir allt saman. Nokkur götublaðanna segjast hafa heimildir fyrir því að Rafael Benitez ætli sér að láta Milan Baros fara til Aston Villa og að Lyon séu komnir með mikinn áhuga á að kaup Djibril Cisse eftir að hafa fengið 26 milljónir punda frá Chelsea fyrir Mickael Essien. Talið er að Owen myndi kosta Liverpool um átta milljónir, meira en helmingi minna en félagið fengi líklega fyrir þá Cisse og Baros, fari svo að félagið myndi ákveða að selja þá kumpána.