Albani enn í gæsluvarðhaldi

Albaninn sem grunaður er um morð í Grikklandi og var handtekinn hér á meðan hann beið eftir að umsókn um hælisvist hans yrði tekin til umsagnar situr enn í gæsluvarðhaldi. Hann mun að öllum líkindum sitja út gæsluvarðhaldið sem lýkur um miðjan nóvember. Samkvæmt upplýsingum frá dóms- og kirkjumálaráðuneytinu hefur engin framsalskrafa borist til embættisins. Aðpurður um það hvað gerðist í framhaldinu ef ekki yrði krafist framsals sagði talsmaður ráðuneytisins að Albananum yrði þá vísað úr landi til síns heima.