Lögbannsmál þingfest

Mál Jónínu Benediktsdóttur á hendur Fréttablaðinu og Kára Jónassyni ritstjóra þess var þingfest í Héraðsdómi Reykjvíkur í gærmorgun. Krafist er staðfestingar á lögbanni sem sett var á birtingu einkagagna Jónínu og upptöku á gögnum hjá blaðinu. Þá krefst Jónína fimm milljón króna í miskabætur og málskostnað og ítrustu refsingar til handa ritstjóranum sem lög leyfa. Jón Magnússon, verjandi Fréttablaðsins, sagði málið verða tekið fyrir í næstu viku, en hann hafi farið fram á viku frest til að skila greinargerð