Sektaður fyrir landasölu

Ungur maður þarf að greiða 60.000 krónur í sekt fyrir að hafa í apríl 2003, þá 19 ára, selt landa úr bíl í nágrenni Korpúlfsstaða. Lögregla sá til landasölunnar og fann bæði peninga og landa á manninum og félaga hans. Fram kemur að málið hafi dreg­ist mjög vegna árangurslausra til­rauna til að fá manninn fyrir dóm. Maðurinn hefur ekki áður hlotið dóm en þarf að sitja inni í sex daga borgi hann ekki sektina. Þá þarf hann einnig að greiða helming málsvarnarlauna verjanda síns, alls 150.000 krónur.