United verður á toppnum á næstu árum

Norski framherjinn Ole Gunnar Solskjær hjá Manchester United segir að eftir tvö ár í skugga Chelsea og Arsenal, muni United aftur verða á meðal þeirra bestu á næsta tímabili.

"Það eru alltaf gerðar kröfur á að vinna titla hjá Manchester United og þegar enginn titill næst er tímabilið talið vonbrigði," sagði Solskjær. "Ég er búinn að vera á Old Trafford í tíu ár og á síðustu þremur höfum við verið nokkuð á eftir Chelsea og Arsenal - en nú held ég að við náum okkur á strik aftur á næsta tímabili. Stjórinn er með ungt lið í höndunum sem er alltaf að bæta sig og ég held að liðið verði frábært á næsta tímabili, enda leikmenn eins og Rooney og Ronaldo á góðri leið með að komast í raðir þeirra allra bestu í heiminum," sagði Norðmaðurinn geðþekki.