Enn óeirðir í París

Nokkur hundruð lögreglumenn stóðu vaktina í úthverfum Parísar í nótt. Þrátt fyrir rólegri nótt en síðustu tvær kveiktu mótmælendur í allmörgum bifreiðum og öskutunnum og voru þrír handteknir. Mikil óánægja ríkir enn á meðal innflytjenda í landinu vegna bágra kjara og óttast lögreglan óeirðir á borð við þær sem brutust út fyrr á árinu þar sem kveikt var í verslunum og fyrirtækjum víðs vegar um borgina. Atvinnuleysi meðal ungra innflytjenda er mikið í Frakklandi en ríkisstjórnin hefur þó lofað úrbótum í málinu.