Viðskiptahalli aldrei meiri á fyrsta ársfjórðungi

Viðskiptahalli Íslands gagnvart útlöndum hefur aldrei verið meiri en á fyrsta fjórðungi þessa árs. Bæði viðskiptahalli og vöruskiptajöfnuður eru tvöfalt meiri en á sama tíma í fyrra. Viðskiptahalli við útlönd nam rúmum 66 milljörðum á fyrsta ársfjórðungi en stóð 32 komma 6 milljörðum á sama tíma í fyrra. Vöruviðskipti voru óhagstæð um 32 milljarða núna en var á sama tíma í fyrra tæpir 16 milljarðar. Þessar tölur eru birtar í bráðabirgðauppgjöri Seðlabanka Íslands sem birt var í gær. Skuldir þjóðarbúsins hafa einnig hækkað um tæpa 200 milljarða síðan í ársbyrjun og fara vaxandi og eru tæpir þúsund milljarðar, eða 300 prósent af landsframleiðslu.