Öðrum sleppt en hinn leiddur fyrir dómara

Lögregla hefur sleppt öðrum mannanna sem grunaðir eru um árásir á öryggisvörð og starfsmann á bensínstöð Skeljungs í Breiðholti aðfararnótt sunnudags. Hinn, sem grunaður er um að hafa stungið öryggisvörðinn í bakið, verður hins vegar leiddur fyrir dómara kl. 17 í dag þar sem farið verður fram á gæsluvarðhald yfir honum. Ekki hefur verið ákveðið hversu langs gæsluvarðhalds verður krafist. Mennirnir, sem eru 18 og 19 ára, gáfu sig fram við lögreglu í gær eftir að hún hafði birti myndir af þeim sem fengnar voru úr öryggismyndavél á bensínstöðinni.