Stórtap hjá Degi og félögum

Tíu leikir fóru fram í riðlakeppni Meistaradeildar Evrópu í handbolta í dag. Dagur Sigurðsson og félagar í Bregenz steinlágu á heimavelli fyrir franska liðinu Montpellier 29-17 og Evrópumeistarar Ciudad Real unnu góðan útisigur á Szeged 25-20 án Ólafs Stefánssonar sem er meiddur. Þá vann stórlið Celje auðveldan sigur á Sandefjord í riðli Framara, en Fram tekur á móti Gummersbach í Laugardalshöllinni á morgun.

San Antonio lagði Veszprém 34-27, Hammarby vann Panellinios 37-23, Medwedi Tschechow burstaði Metalurg Skopje 40-25, Barcelona lagði Kozina á útivelli 29-26, Povanzska Bystrica tapaði heima fyrir Bosna Sarajevo 31-29, Kadetten Schaffhausen lagði Brest Meschkow 30-20 og Charmbéry Savoie tapaði heima fyrir Kolding 32-26.