Auðveldur sigur hjá Flensburg

Viggó Sigurðsson og lærisveinar hans í þýska liðinu Flensburg völtuðu yfir makedónsku meistarana í Metalurg Skopje 43-24 í Meistaradeild Evrópu í handbolta í dag og hafa því fullt hús í D-riðli eftir fjóra leiki. Jafnræði var með liðunum framan af, en góð rispa Flensburg um miðjan fyrri hálfleikinn gerði út um leikinn.

Staðan í hálfleik var 23-12 fyrir Flensburg og eftirleikurinn var liðinu auðveldur og ætti sæti í 8-liða úrslitunum að vera tryggt hjá Viggó og félögum. Skopje er á botni riðilsins og hefur tapað öllum leikjum sínum.

Torge Johannsen og Lars Christiansen skoruðu 6 mörk hvor fyrir Flensburg og þeir Michael Knudsen, Anders Eggert og Joachim Boldsen skoruðu 5 mörk hver.