Dýrkeypt gleymska í Víkurskarði

Karlmaður á Norðurlandi komst að því í gær að það getur verið dýrt að vera gleyminn. Lögreglan á Akureyri ók fram á hann í Víkurskarði í gær en þar var hann á gangi með hagalabyssu.

Viðurkenndi hann að vera á rjúpnaveiðum en kvaðst hafa steingleymt því að bannað væri að veiða á mánudögum, þirðjudögum og miðvikudögum. Fram kemur á vef lögreglunnar að gleymskan hafi reynst dýrkeypt því hald var lagt á haglabyssu, skotfæri og annan veiðibúnað auk skotvopnaskírteinis og veiðikorts. Í ofan á lag má maðurinn svo búast við að fá sekt fyrir brot á veiðilöggjöfinni. Allt þetta án þess að hafa veitt eina einustu rjúpu.