Lúðvík endaði í öðru sæti

Lokatölur hafa verið birtar í prófkjöri Samfylkingarinnar í Suðurkjördæmi. Gríðarleg spenna var um annað sætið en á endanum hafði Lúðvík Bergvinsson betur en Ragnheiður Hergeirsdóttir en aðeins munaði tuttugu og fimm atkvæðum á þeim.

Alls greiddu 5.149 einstaklingar atkvæði í prófkjörinu. Gild atkvæði voru 5.021. Björgvin hlaut fyrsta sætið með 1.685 atkvæði í 1. sæti. Lúðvík Bergvinsson hlaut annað sætið með 1.523 atkvæði í 1.-2. sæti. Róbert Marhall hlaut 3. sætið með 1.926 atkvæði í 1.-3. sæti. Ragnheiður Hergeirsdóttir hlaut 4. sætið með 2.160 atkvæði í 1.-4. sæti. Jón Gunnarsson lenti í 5. sæti með 1.928 atkvæði í 1.-5. sæti. Vegna reglna um kynjakvóta fer hann í sjötta sæti en Guðrún Erlingsdóttir fer í 5. sætið en hún hlaut 1.729 atkvæði í 1.- 6. sæti.

Jenný Þórkalta Magnúsdóttir hlaut 7. sætið með 1.379 atkvæði í 1.-7. sæti. Sigríður Jóhannesdóttir hlaut 8. sætið með 1.329 atkvæði í 1.-8. sæti. Lilja Samúelsdóttir hlaut 9. sætið með 1.310 atkvæði í 1.-9. sæti. Hlynur Sigmarsson hlaut 10. sætið með 1.194 atkvæði í 1.-10. sæti. Öndundur S. Björnsson hlaut 11. sætið með 1.134 atkvæði í 1.-11. sæti. Gylfi Þorkelsson hlaut 12. sætið með 941 atkvæði í 1.-12. sæti. Árni Rúnar Þorvaldsson hlaut 13. sætið með 716 atkvæði í 1.-13. sæti. Bergvin Oddsson hlaut 14. sætið með 711 atkvæði í 1.-14 sæti. Hörður Guðbrandsson hlaut 15. sætið með 681 atkvæði í 1.-15. sæti. Unnar Þór Böðvarsson hlaut 16. sætið með 553 atkvæði í 1.-16. sæti og Júlíus H. Einarsson hlaut 17. sætið með 423 atkvæði í 1.-17. sæti.