Hnífamaður á Húsavík úrskurðaður í gæsluvarðhald

Héraðsdómur Norðurlands eystra hefur úrskurðað manninn sem grunaður er um manndrápstilraun og íkveikju á Húsavík í gæsluvarðhald. Lögreglan fór með manninn til Akureyrar í gær þar sem hann mun sitja í fangaklefa til 20. nóvember næstkomandi. Að sögn Sigurður Brynjúlfssonar, yfirlögregluþjóns á Húsavík, hefur lögreglan hafið yfirheyrslur yfir manninum. Sumt liggur fyrir í sakamálinu en annað ekki. Kona liggur illa slösuð á Fjórðungssjúkrahúsinu á Akureyri með stungusár og auk þess var maður stunginn í síðu.