Ótrúlegt að vera á topp fjögur

Harry Redknapp gat ekki verið annað en ánægður með frammistöðu sinna manna í Portsmough í dag þegar liðið gerði 2-2 jafntefli við Arsenal á útivelli. Hann hrósaði sínum mönnum í hástert og sagði það ótrúlegt að liðið væri á meðal fjögurra efstu liðanna í deildinni.

"Ég hélt nú að við værum í góðum málum þegar við komumst tveimur mörkum yfir en þegar allt er talið er jafntefli mjög góð úrslit. Leikmennirnir hafa verið frábærir í vetur og eiga hrós skilið fyrir að vera í einu af fjórum efstu sætunum í deildinni. Arsenal náði að setja mikla pressu á okkur í dag, en við náðum að hanga á jöfnu og ég er mjög sáttur," sagði Redknapp.