Reyndist ölvaður undir stýri í banaslysi

Annar mannanna, sem yfirheyrðir hafa verið vegna umferðarslyss sem varð á Reykjanesbraut nærri nýju IKEA-versluninni í Garðabæ, hefur viðurkennt að hafa ekið bifreiðinni. Komið hefur í ljós að hann og tveir aðrir sem voru í bílnum hafi verið undir áhrifum áfengis en einn mannanna lést þegar bílnum var ekið á steypustólpa.

Rannsókn lögreglu hefur meðal annars snúið að því hvor þeirra tveggja manna sem komust lífs af úr slysinu hafi ekið bílnum. Samkvæmt tilkynningu frá lögreglunni í Hafnarfirði viðurkenndi annar mannanna við skýrslutöku í dag að hafa ekið bílnum á mikilli ferð fyrir slysið en hann hafði áður netað hafa setið undir stýri. Lögregla segir að rannsókn málsins ljúki um eða eftir áramót.