Allir blekktir vegna Byrgisins

Jón Kristjánsson fyrrverandi heilbrigðisráðherra sagði á Alþingi í dag að allir sem komu að máli Byrgisins varðandi fjárveitingar og styrki til þess, hafi verið blekktir. Aðalatriði nú væri að taka á þessu máli. Málefni meðferðarheimilisins urðu tilefni hvassra orðaskipta í umfjöllun Alþingis en Össur Skarphéðinsson og fleiri þingmenn lögðu ríka áherslu á ábyrgð í málefnum Byrgisins.

Ummæli forsætisráðherra í gær um að ákveðin pólitísk hystería hefði myndast um málefni Byrgisins urðu Ögmundi Jónassyni tilefni til ummæla um að ráðherra vildi með því skella skuldinni á stjórnarandstöðuna.