Jóhannes spurður út í Thee Viking

Jóhannes Jónsson bar vitni í Baugsmálinu í dag. Jóhannes var spurður út í Viking bátana en hann leit svo á að samningur yrði gerður um eignarhlut í bátunum en af því varð aldrei. Hann sagði mánaðarlegar greiðslur sem fóru til Jóns Geralds Sullenberger hafa verið til að styrkja rekstur Nordica en þær ekki farið í rekstur Thee Viking eins og haldið hefur verið fram.

Á undan Jóhannesi bar Sigfús R. Sigfússon, fyrrverandi forstjóri Heklu, vitni og sagði hann að félagið Fjárfar hefði verið hálfgert leynifélag. Sigfús kom að félaginu fyrir tilstuðlan endurskoðanda síns, Tryggva Jónssonar, aðstoðarforstjóra Baugs, og heimsótti Thee Viking bátinn ásamt Kaupþingsmönnunum Sigurði Einarssyni og Hreiðari Má Sigurðssyni.