Messi: Þetta var ágæt sýning

Lionel Messi átti góðan leik í kvöld þegar Barcelona lagði Lyon 3-0 í E-riðli Meistaradeildinni. Hann var ánægður með leik sinna manna og sagði þá hafa gert allt sem lögðu upp með fyrir leikinn.

Börsungar hafa aðeins skorað tvö mörk úr opnu spili í fyrstu þremur leikjunum sínum í spænsku deildinni og höfðu þeir heppnina með sér í fyrsta markinu í kvöld. Varnarmaðurinn Francois Clerk skoraði þá sjálfsmark eftir fyrirgjöf Messi og heimamenn náðu ekki að gera út um leikinn fyrr en í blálokin þegar Messi og Henry skoruðu tvö mörk á síðustu átta mínútunum.

"Við náðum úrslitunum sem við ætluðum okkur og náðum að setja á svið smá sýningu í leiðinni. Við sköpuðum okkur fullt af færum í fyrri hálfleiknum en náðum ekki að nýta þau, en svo virtist sem smá þreyta gerði vart við sig í þeim síðari. Við náðum þó að klára þetta í restina og erum allir mjög sáttir," sagði Messi.