Stuckey handarbrotnaði

Detroit Pistons varð fyrir áfalli í nótt þegar nýliði liðsins, leikstjórnandinn Rodney Stuckey, handarbrotnaði í 104-85 sigri á Washington á undirbúningstímabilinu.

Stuckey var valinn í fyrstu umferð nýliðavalsins í sumar og hefur vakið verðskuldaða athygli fyrir fínan leik, þar sem honum hefur verið líkt við aðalleikstjórnanda liðsins Chauncey Billups. Stuckey mun væntanlega missa af nokkrum vikum í byrjun tímabilsins vegna þessa - en deildarkeppnin hefst eftir helgi.

Úrslitin á undirbúningstímabilinu í nótt:

Detroit 104 - Washington 85

New York 103 - Philadelphia 90

New Orleans 98 - Atlanta 107

Memphis 96 - Houston 90

Portland 109 - Seattle 107

LA Clippers 92 - Sacramento 90