Bröndby á eftir Kristjáni Erni

Ólafur Garðarsson segir í samtali við danska dagblaðið BT í dag að Bröndby hafi áhuga á Kristjáni Erni Sigurðssyni, leikmanni Brann í Noregi.

Kristján Örn var lykilmaður í liði Brann sem vann norska meistaratitilinn í sumar. Hann er samningsbundinn liðinu til ársins 2009 og hefur áður sagt að hann vilji vera áfram hjá Brann.

„Ég veit að Bröndby hefur fylgst vel með honum en það eina sem er víst í þessu máli er hvort að Brann vilji frekar halda honum en selja."

Talið er að Brann vilji fá á milli 2 og 2,5 milljónir evra fyrir Kristján.