Google í samkeppni við Wikipedia

Internetrisinn Google ætlar sér í samkeppni við hina vinsælu alfræðisíðu Wikipedia á netinu. Ætlunin er að virkja notendur í að miðla upplýsingum um efni sem þeir þekkja líkt og Wikipedia gerir.

Wikipedia er ein allra vinsælasta síðan á netinu en þar er hægt að verða sér úti um fróðleik um nánast allt sem hugurinn girnist. Nýja síðan sem er í þróun leyfir netverjum að setja inn myndir og fróðleik um málefni. Síðan mun vera þekkt sem "knols" sem Google segir að standi fyrir "unit of knowledge.