Birkir skoraði fyrir Bodö/Glimt

Fjórir leikir voru í norsku úrvalsdeildinni í dag. Birkir Bjarnason skoraði fyrra mark Bodö/Glimt sem vann Molde 2-1 en Bodö/Glimt er í fimmta sæti deildarinnar.

Ármann Smári Björnsson, Kristján Örn Sigurðsson og Birkir Már Sævarsson voru allir í byrjunarliði Brann sem gerði markalaust jafntefli við Rosenborg. Rosenborg er í sjötta sæti deildarinnar en Brann í því áttunda.

HamKam og Fredrikstad gerðu 1-1 jafntefli og þá varð markalaust jafntefli í leik Viking og Lilleström.