Venesúela setur hömlur á bandarísk flugfélög

Stjórnvöld í Venesúela hafa skipað bandarískum flugfélögum að fækka ferðum til landsins.

Skipunin kom eftir að flugmálayfirvöld í Bandaríkjunum lýstu efasemdum um öryggi flugstöðva í Venesúela.

Fjölmiðlar í Venesúela segja að þessi skipun hafi verið send Delta flugfélaginu, American Airlines og Continental. Delta hefur staðfest þetta en hin félögin ekki ennþá.

Hugo Chaves, forseti Venesúela er líklega mesti óvinur Bandaríkjanna í dag. Allavega er hann sá opinskáassti.

Forsetinn opnar varla svo munninn að hann kenni ekki Bandaríkjunum um allt sem aflaga fer í heiminum.