Skerum af honum höfuðið eins og svíni

Breskur múslimi hefur játað að hafa lagt á ráðin um að ræna öðrum múslima, sem var í breska hernum.

Ætlunin var að skera af honum höfuðið eins og svíni til þess að valda ótta og óöryggi meðal breskra hermanna og almennings.

Það átti að gera með því að setja á netið myndband af því þegar verið væri að skera höfuðið af manninum.

Fleiri hafa verið kærðir í þessu máli, en aðeins Parviz Khan hefur viðurkennt sekt sína.

Hann vann fyrir hjálparsamtök, en er grunaður um að hafa sent peninga og aðra aðstoð til hryðjuverkasamtaka á landamærum Afganistans og Pakistans.