Anthony fær 4,5 milljarða frá Nike

Framherjinn Carmelo Anthony hjá Denver Nuggets er búinn að skrifa undir langtímasamning við skóframleiðandann Nike sem færir honum 4,5 milljarða króna í tekjur á um sjö árum.

Anthony spilar í Jordan-línunni frá Nike en efasemdir höfðu verið á lofti um að Anthony framlengdi við fyrirtækið eftir að hann óhreinkaði ímynd sína nokkuð með uppátækjum innan og utan vallar.

Anthony hefur haldið sér á mottunni eftir að hann lenti í slagsmálum í leik í New York árið 2006 og er nú orðinn næst tekjuhæsti leikmaðurinn hjá Nike á eftir LeBron James.