Keflavík áfram - Skallagrímur náði í oddaleik

Keflvíkingar tryggðu sér í kvöld fyrstir liða sæti í undanúrslitum í úrslitakeppninni í Iceland Express deild karla með 86-83 sigri á Þór á Akureyri. Skallagrímur knúði fram oddaleik gegn Grindavík með 96-91 sigri í öðrum leik liðanna í Borgarnesi.

Milojika Zekovic skoraði 36 stig fyrir Skallagrím í leiknum gegn Grindavík, Darrell Flake skoraði 23 stig og hirti 11 fráköst og Pétur Sigurðsson skoraði 19 stig.

Hjá Grindavík var Adam Darboe stigahæstur með 32 stig, Jamaal Williams skoraði 18 og Þorleifur Ólafsson skoraði 15 stig, hirti 10 fráköst og gaf 8 stoðsendingar.

Liðin þurfa því að mætast í oddaleik í Grindavík.

Nánari umfjöllun um leikina kemur hér á Vísi í fyrramálið.