Sængaði sjálfviljug hjá ræningja sínum

Austurríska stúlkan Natascha Kampusch sængaði sjálfviljug hjá manninum sem rændi henni og hélt henni fanginni í átta ár, að sögn austurríska dagblaðsins Heute. Blaðið hefur undir höndum lögregluskýrslur sem hingaðtil hefur verið haldið leyndum.

Þær eru frá því að tveir læknar og tveir lögreglumenn yfirheyrðu hana eftir að hún loks slapp úr prísundinni. Í skýrslunum segir meðal annars að hún hafi sagt þeim að hún hafi haft samfarir við Wolfgang Priklopil og að það hafi verið með hennar vilja.

Wolfgang Prikopil framdi sjálfsmorð með því að kasta sér fyrir sporvagn, eftir að hún slapp frá honum.