Skuldabréfamarkaður aðeins að taka við sér

Heildarviðskipti með skuldabréf námu alls 94 milljörðum kr. í nóvember, og eru þá orðin samtals 5.047 milljarðar kr. það sem af er árinu. Viðskiptin voru umtalsvert minni í október en nóvember.

Í frétt um málið frá kauphöllinni segir að veltumestu flokkarnir voru RIKB 08 1212 (15 milljarðar kr.) og HFF 150224 (15 milljarðar kr.). Markaðsvirði skráðra bréfa nam 1.658 milljörðum kr. í mánuðinum. Sjö verðbréfaflokkar voru teknir til viðskipta í mánuðinum.

Straumur-Burðarás Fjárfestingabanki var með mestu hlutdeild á skuldabréfamarkaðnum eða 30%. Næstir komu Nýi Kaupþing banki 22,7%, Nýi Glitnir banki 21,6% og Nýi Landsbanki Íslands (NBI) 10,4%.