Raunsnerting

Guðjón Már Guðjónsson, löngum kenndur við hugbúnaðarfyrirtækið Oz, á hrós skilið fyrir að hvetja til frumkvöðlahugsunar eftir bankahrunið í fyrra.

Fyrir um hálfum mánuði stofnaði Guðjón Hugmyndaráðuneyti. Á fundum ráðuneytisins getur fólk hlýtt á reynslusögur frumkvöðla og tengdra aðila og myndað tengsl sín á milli. Guðjón sagði í samtali við Markaðinn fyrir viku sér hafa fundist vanta vettvang fyrir fólk til að hittast í raunveruleikanum og mynda tengsl.

Segja má að Guðjón sé þarna kominn í hring en fyrir um áratug vann Oz að þróun þrívíddarhugbúnaðar sem gaf netverjum kost á að hittast og mynda tengsl í rafrænum heimi á rauntíma.