Gerrard í hópnum gegn Real Madrid

Steven Gerrard verður í leikmannahópi Liverpool sem mætir Real Madrid í 16-liða úrslitum Meistaradeildar Evrópu á miðvikudagskvöldið.

Gerrard hefur ekkert spilað með Liverpool síðan hann meiddist í bikarleik gegn Everton fyrr í mánuðinum. Til stóð að hann kæmi við sögu í leik Liverpool gegn Manchester City um helgina en Rafa Benitez, knattspyrnustjóri Liverpool, ákvað að taka engar áhættur.

„Steven verður í hópnum. Hann æfði venjulega í dag," sagði Benitez á heimasíðu Liverpool. „Þetta var reyndar sérstök æfing þannig að við höfum ekki prófað að keyra hann 100 prósent áfram en við munum sjá til."

Gerrard mun því ferðast með sínum mönnum til Madrídar en síðar leikur liðanna fer fram á Anfield þann 10. mars næstkomandi.