Ferguson: Við söknuðum Fletcher

Sir Alex Ferguson segir að varnarleikur Manchester United hafi verið slakur í úrslitaleik meistaradeildarinnar í gær og að lið hans hafi saknað Darren Fletcher.

"Ég hafði áhyggjur af því að við ættum eftir að sakna Fletcher af því hann er leikmaður sem spilar vel í stórleikjunum og við söknuðum hans mikið. Það er erfitt að segja hvernig við söknuðum hans en en það sýndi sig í leiknum, jafnvel þó Barcelona hafi verið án fastamanna líka," sagði Ferguson.

Það voru ekki síst kóngarnir á miðjunni hjá Barcelona sem gerðu United lífið leitt, en þeir Xavi og Iniesta áttu báðir skínandi leik.

"Í bestu leikjum okkar í vetur hefur vörnin verið frábær en hún var ekki góð í þessum leik. Fyrsta markið hjálpaði lítið, því eftir það gat Barcelona haldið boltanum. Þetta var ekki góð frammistaða og nokkrir af leikmönnum okkar vita það ósköp vel," sagði Ferguson.

"Við vissum að miðjumennirnir þeirra þrír yrðu erfiðir viðureignar og þeir héldu boltanum gríðarlega vel. Það var ekki Messi sem gerði okkur lífið leitt - það voru Xavi og Iniesta.""