Guardiola: Verðum að vinna síðustu tvo leikina

Það virðist ekki henta Barcelona vel að spila gegn rússneska liðinu Rubin Kazan. Barca tapaði á heimavelli gegn þeim og varð svo að sætta sig við jafntefli í Rússlandi í dag.

Fyrir vikið er Barcelona í miklu basli í riðlinum og ekki má mikið út af bregða ef liðið ætlar sér að komast áfram í keppninni.

„Við vitum ekki hvort þetta stig í dag var vont eða slæmt fyrr en riðillinn er búinn. Reiknivélin segir okkur samt við verðum að vinna síðustu tvo leikina," sagði Guardiola eftir leikinn.

„Liðin hér eru góð og skipulögð. Það er mjög erfitt að sækja á lið sem er með tíu menn í vörn. Liðið er skipulagt og allir leggja sig fram við að verjast. Liðið verst ákaflega vel," sagði Guardiola en Barca gekk ekkert að opna vörn rússneska liðsins.