Leonardo efaðist aldrei um sigur sinna manna

Leonardo segir að hann hefði ekki efast um það í eina mínútu að hans menn í AC Milan myndu vinna sigur á Real Madrid í kvöld.

AC Milan vann æsilegan 3-2 sigur á Real í kvöld þar sem sigurmarkið kom í blálokin.

„Hvað get ég sagt? Leikurinn talar sínu máli. Við nálguðumst leikinn eins vel og hægt var, jafnvel þó svo að byrjunin hafi verið erfið þar sem við fengum mark á okkur. En liðið missti aldrei trúna og síðari hálfleikurinn hjá okkur var ótrúlegur," sagði Leonardo, stjóri AC Milan.

„Ég efaðist aldrei um sigur okkar, þótt við værum 1-0 undir. Við mættum sterku liði í kvöld en liði sem hentaði okkur vel að spila gegn."

Markvörðurinn Dida gerði slæm mistök þegar Real Madrid skoraði fyrsta mark leiksins.

„Það áttu mistök sér stað í liði Madrídar líka. En Dida er leikreyndur og veit vel hvernig á að takast á við svona aðstæður."