Iverson enn ekki búinn að ná lendingu í sínum málum

Stjörnubakvörðurinn Allen Iverson er enn samningslaus eftir að hafa yfirgefið herbúðir Detroit Pistons í lok síðustu leiktíðar en hann hefur verið sterklega orðaður við fjölda liða í sumar.

Iverson er talinn vera tilbúinn að gera árs samning upp á 5,85 milljónir dala og sögusagnir herma að New York Knicks séu að skoða möguleikann á að fá kappann í sínar raðir.

Memphis Grizzlies og Charlotte Bobcats eru þó talin vera að fylgjast vel með gangi mála hjá Iverson sem er líklegur til þess að taka ákvörðun á allra næstu dögum.