Ronaldinho: Verður frábær leikur

„Þetta verður erfiður leikur en ekkert er ómögulegt. Við getum alveg komist áfram," segir Ronaldinho fyrir síðari leik Manchester United og AC Milan á miðvikudag. United vann fyrri leikinn á Ítalíu 3-2.

„Ég held að þetta verði frábær leikur. Við þurfum að sækja til sigurs og United spilar alltaf laglega á Old Trafford. Þetta verður líklega mögnuð skemmtun fyrir áhorfendur," segir Ronaldinho.

„Skiljanlega búast flestir við því að United fari áfram eftir úrslitin úr fyrri leiknum. En við höfum ekki sagt okkar síðasta."