Van der Vaart: Bale slátraði Maicon

Hollendingurinn Rafael van der Vaart harkaði af sér í kvöld og lék fyrri hálfleikinn fyrir Tottenham er það lagði Inter af velli, 3-1. Van der Vaart skoraði fyrsta mark leiksins.

Hollendingurinn hrósaði Gareth Bale í hástert eftir leikinn enda fór Bale algjörlega á kostum í leiknum.

"Hann er orðinn einn af okkar bestu leikmönnum. Hann er ótrúlega sterkur og allir leikmenn óttast hann. Hann var að spila gegn Maicon í kvöld og Maicon er einn besti varnarmaður heims. Það skipti engu máli því Bale slátraði honum," sagði van der Vaart.

"Ég segi við forráðamenn félagsins að við megum alls ekki missa þennan leikmann frá okkur."