Carlo Ancelotti: Við hefðum átt að vera meira með boltann

Carlo Ancelotti, stjóri Chelsea, sá sína menn vinna 2-0 sigur á frönsku meisturnum í Marseille í kvöld. Chelsea skoraði bæði mörkin sín á fyrsta hálftímanum en átti nokkuð undir vök að verjast í seinni hálfleiknum.

„Þetta voru mikilvæg úrslit fyrir okkur því þetta var ekki auðveldur leikur. Marseille spilaði vel í seinni hálfleiknum en við vorum mjög góðir í fyrri hálfleik og sköpuðum okkur þá mikið af færum," sagði Carlo Ancelotti, stjóri Chelsea.

„Við spiluðum vel varnarlega en við hefðum átt að vera meira með boltann," sagði Ancelotti.

„Þeir eiga allan heiður skilinn," sagði John Terry, fyrirliði Chelsea, sem kom sínum mönnum í 1-0 í upphafi leiks. „Við byrjuðum seinni hálfleikinn ekki vel en við vorum þéttir allan tímann og héldum markinu hreinu. Þeir voru mikið með boltann en við vorum vinnusamir," sagði John Terry.