Tyson segir að Haye sé flottur

Járnkarlinn Mike Tyson hefur gríðarlega trú á breska boxaranum David Haye og spáir því að hann verði næsta stórstjarna hnefaleikaheimsins.

Tyson segir að Haye hafi það sem þarf til að vekja enn frekari áhuga á íþróttinni.

Haye hefur hingað til verið duglegur að vekja á sér athygli sem vafasömu orðbragði og háttalagi.

"Ég er hrifinn af Dave og vil sjá honum ganga vel. Hann hefur allt til að bera en þarf að vinna tvo eða þrjá bardaga í viðbót," sagði Tyson en Haye keppir gegn Audley Harrison á næstunni.

"Ef hann rotar Harrison með stæl þá mun það vekja mikla athygli út fyrir landsteinana. Hann er líka hrikalega flottur. Útlit hans heillar mig mikið. Hann er ungur og fullur af lífi."