Bayern vantar miðvörð eins og Pique

Franz Beckenbauer segir að FC Bayern vanti sárlega alvöru miðvörð og þá helst í líkindgu við spænska miðvörðinn Gerard Pique sem spilar með Barcelona.

Hann segir þó engar líkur vera á því að Bayern muni bjóða í þennan fyrrum miðvörð Man. Utd.

Pique hefur oft verið líkt við Beckenbauer og er stundum kallaður Piquenbauer af gárungunum víðfrægu.

"Gerard Pique á eftir að eiga ótrúlegan feril. Það hefur verið ótrúlegt að fylgjast með framgöngu hans síðustu ár. Ég sé hann samt aldrei fara frá Barcelona," sagði Beckenbauer.