Óflokkspólitískt mál

„Ég er enn þá að fara yfir gögnin og geri ekki ráð fyrir að tjá mig um þetta fyrr en í ræðu í þinginu,“ segir Sigmundur Davíð Gunnlaugsson, formaður Framsóknarflokksins, inntur eftir viðbrögðum við skýrslu þingmannanefndar um rannsóknarskýrslu Alþingis.

Þegar Sigmundur er spurður um klofning innan nefndarinnar um hvaða fyrrverandi ráðherra eigi að draga fyrir Landsdóm segir hann: „Það getur verið tilviljun að þetta skiptist eftir flokkum. Hjá okkur lá strax fyrir að þetta væri óflokkspólitískt mál. Mér og okkur öllum skildist að þetta ætti ekki að vera flokkspólitískt.“ - mmf