Mayweather gæti fengið 34 ára fangelsisdóm

Dómstólar í Las Vegas hafa meinað hnefaleikakappanum Floyd Mayweather yngri að umgangast syni sína tvo sem eru í umsjá fyrrverandi unnustu hans. Hann má reyndar ekki koma nálægt henni heldur.

Ástæðan er sú að hann lamdi unnustuna fyrrverandi og hótaði að gera slíkt hið sama við drengina ef þeir hringdu á neyðarlínuna.

Saksóknari segir að fyrir utan barsmíðarnar og hótanirnar hafi Mayweather tekið farsíma þeirra allra.

Málið er enn fyrir dómi og verði Mayweather fundinn sekur gæti hans beðið 34 ára vist í steininum. Málið verður næst tekið fyrir þann 24. janúar.