Alexandre Pato hefur ekki áhuga á því að fara til Englands

Alexandre Pato, leikmaður AC Milan og brasilíska landsliðsins, hefur aðeins áhuga á því að spila fyrir tvö lið í heimi, AC Milan og Barcelona.

Pato hefur í nokkurn tíma verið orðaður við lið í enskum úrvalsdeildinni. Fyrrum þjálfari hans hjá AC Milan, Carlo Ancelotti, núverandi stjóri Chelsea, hefur mikið álit á honum og þá er Roberto Mancini, stjóri Manchester City sagður tilbúinn að eyða stórri upphæð í Brasilíumanninn.

„Það er mikill heiður að vita að áhuga City en ég er leikmaður AC Milan og hér er ég ánægður. Ef ég yfirgef AC Milan einhvern daginn þá myndi ég vilja fá tækifæri til að klæðast Barcelona-treyjunni," sagði Alexandre Pato.

„Ég held að ég myndi aðeins yfirgefa AC Milan fyrir eitt lið og það er Barcelona," bætti hann við.

Ítalskir fjölmiðlar hafa haldið því fram að Barcelona sé þegar búið að tryggja sér forkaupsrétt á Pato og það hafi í raun verið hluti af samningi félaganna þegar Zlatan Ibrahimovic fór frá Barcelona til AC Milan í sumar.