Heimsklassa þrenna Gareth Bale - myndir

Gareth Bale skoraði stórkostlega þrennu fyrir Tottenham í 3-4 tapi liðsins á móti Inter Milan á Giuseppe Meazza vellinum í Mílanó í Meistaradeildinni í kvöld.

Bale var stjarna kvöldsins þrátt fyrir tapið því mörkin skoraði þessi snjalli Walesverji á glæsilegan hátt og þrátt fyrir að Tottenham hafi leikið manni færri síðustu 80 mínútur leiksins.

Helstu myndaveitur í heimi voru uppfullar af myndum af framgöngu þessa frábæra leikmanns enda ekki á hverjum degi sem leikmenn í Meistaradeildinni skora þrennu við svona erfiðar aðstæður - manni færri og á útivelli á móti Evrópumeisturum.

Vísir hefur tekið saman nokkrar myndir af afreki Gareth Bale í kvöld.

Myndirnar má sjá í albúminu hér að neðan. Hægt er að sjá myndirnar stærri með því að smella á þær.